sçauant homme, and gendre de Philippes Melancthon escript, qu'il auoit tousiours pensé, que ce fust vne fable, mais apres auoir esté certifié par plusieurs marchands, and gens dignes de Foy, and qui trafiquent ordinairement en Liuonie, and que mesmes plusieurs ont esté accusez, and conuaincus, and qui depuis leur confession ont esté executez à mort, alors il dict qu'il est cõtrainct de le croire, and d'escrit la façon de faire, qu'ils ont en Liuonie. C'est que tous les ans sur la fin du mois de Decembre, il se trouue vn belistre qui va sommer tous les Sorciers de se trouuer en certain lieu, and s'ils y faillent, le diable les y contrainct à coups de verge de fer, si fort que les marques y demeurent: Leur capitaine passe deuant, and quelques milliers le suyuent traguetans vne riuiere, laquelle passee ils changent leur figure en loups, and se iettent sur les hommes, and sur les troupeaux, and font mille dommages. Et douze iours apres ils retournerent au mesme fleuue, and sont rechãgez en hommes. I'ay veu plusieurs fois Languet natif de Bourgongne, agent du Duc de Saxe, homme fort docte venant traitter auec le Roy de France pour son maistre, qui m'a recité l'histoire semblable, and dict, que luy estant en Liuonie, a entendu que tout le peuple tient cela pour chose tres-certaine. Et combien que ce malheur soit assez frequent par tout, si est-il tout vulgaire en Liuonie. I'ay encore entre mes papiers la lettre d'vn Alemand pensionnaire du feu Roy Henry II. escrite au Connestable de Frãce, où il aduertist le Cõnestable, que le Roy de Moschouie auoit pris le pays de Liuonie, puis adiouste ces mots: In illis locis Herodotus Page 268
