venger. Mais disons si les Sorciers peuuent nuire à toutes personnes indifferemment, and aux vns plus que aux autres: par ce qu'il me semble, que ce poinct n'est pas assez bien esclarcy. Si les Sorciers peuuent nuyre aux vns plus que aux autres. CHAP. IIII. Les Theologiens font plusieurs questions, and trois entre autres sur le faict des Sorciers. La premiere, pourquoy les Sorciers ne peuuent enricihir de leur mestier. La seconde, pourquoy les Princes, qui en ont à leur suitte, ne s'en peuuent seruir pour tuer and deffaire leurs ennemis. La troisiesme, pourquoy ils ne peuuent nuire à ceux qui les persecutent. Quant à la premiere, nous l'auons touchee au precedent chapitre. Quant à la seconde, les Theologiens disent que les Anges, que Dieu à choisis pour la conseruation des Roys and Royaumes, empeschent l'effort des malefices, and que les victoires sont en la main de Dieu, qui s'appelle le grand Dieu Sabaoth: c'est à dire, Dieu des armees, non seulement pour la puissance qu'il à sur les astres and Anges celestes, qui s'appellent armees en l'Escriture: ains aussi sur les armees des Princes. Et tant s'en faut que les Princes qui se seruent de Sorciers puissent vaincre leurs ennemis, que les anciens ont remarqué pour maxime indubitable, que s'il y a deux Princes en guerre, celuy qui s'aydera des Sorciers, sera vaincu. Et le Prince qui s'enquiert au Diable Page 360
de son estat and de ses successeurs, perira miserablement
