Page:De la Démonomanie des Sorciers (1587).djvu/566

La bibliothèque libre.
Cette page n’a pas encore été corrigée

sa figure: comme l'Histoire de Daniel le Prophete nous enseigne. S'il dict que ce changement du Roy Nabuchodonosor est veritable, comme la saincte Escripture, and non pas vne illusion fabuleuse: il fault aussi qu'il confesse que le mesme changement se peut faire de figure humaine en loups, and autres bestes: Et en asseurant que le changement des Sorciers en loups, and autres bestes est fabuleux, and que c'est vne illusion: il faict vne conclusion que l'histoire sacree est vne fable and illusion: Car s'il est faict en l'vn, il se peut faire és autres: attendu que la puissance de Dieu n'est point diminuee. C'est l'argument que Thomas d'Aquin faict, pour monstrer que Sathan transporte les Sorciers veritablement, par l'exemple de Iesus-Christ qui estoit vray homme, qui fut transporté par Sathan sur le temple, and puis sur la montaigne. Et si Dieu a donné ceste puissance à Sathan sur Iob, and sur Iesus Christ, qui doute qu'il ne la donne encores plus grande sur les Sorciers, and sur les meschans? Car Wier est d'accord au liure de Lamiis7, que Sathã mua Nabuchodonosor d'homme en b uf, qui doit le faire rougir de honte de confesser, comme il ne peut nier le vray changement de Nabuchodonosor en beste faict par Sathan, and le nier és autres. Car le Canon Episcopi8, and autres semblables touchant la transformation, ne se peut entendre sinon de ceux qui pensent que les Sorciers, ou Sathan ayent puissance de soy-mesmes de faire telles choses. Mais ce seroit vne lourde heresie, de penser que Dieu ne donne ceste puissance à Sathan quand bon luy semble, pour chastier -notes- 7c.16. and li. 1.