du procez qui m'a esté rapporté par maistre Claude de Fay Procureur du Roy à Ribemont. Mais on voit vne malice notable en Wier, lequel escrit au chapitre huictiesme, de Lamiis, que les Sorcieres ont confessé que Sathan leur faisoit crachor en terre pendant qu'on monstroit l'Hostie, and marcher sur la Croix. Or Wier se sert de ceste occasion pour piper ceux qui ont laissé la Messe, en ce qu'il dict que tout cela est ridicule. Spranger escrit aussi, qu'il auoit sçeu en faisant le procez des Sorciers, que plusieurs auoient paction expresse auec Sathan de rompre les bras and les cuisses des Crucifix: and mesmement le Vendredy Sainct. Wier dict que tout ccla n'est que folie. Ie ne veux pas entrer au merite de la Religion, que tant de Theologiens ont traicté amplement: aussi n'est ce pas mon suiect. Mais ie tiens que les ruses de Sathan sont incroyables, si on ny prend garde de fort pres: à quoy n'a pas regardé celuy, qui a faict le liure des Strategemes de Sathan, qui sont fort pueriles. Car le dessein de Sathan n'est pas seulement de faire mespriser, and renoncer Dieu par ses subiets, ains aussi toute religion, and tout ce que chacun pense estre Dieu, and qui le peut tenir en crainte de mal faire pour se tourner du tout à Sathan. C'est pourquoy les Sorciers demeurent d'accord, que la premiere chose que faict Sathan aux Sorciers apprentifs, c'est de les faire renoncer à Dieu, and à toute Religion, sçachans bien que celuy qui n'a Religion quelconque, se desborde en toutes impietez and meschancetez. Car mesmes en Rome on descouurit que aux. Sacrifices nocturnes Page 590
