diuination est receuë de Dieu. Et quãd au mot de Prophetie, qui est Grec, il signifie prediction, soit en bien, ou en mal. Et quant à ce que nous appellons Sorciers vsans de poudres, and gresles, les anciens, and mesmes Aristote les appelloit en son vulgaire [Greek omitted], and les Sorcieres [Greek omitted], comme on peut voir au liure 6. chapitre 18. and au liure 9. chapitre 17. de l'histoire des Animaux, où il dit que les Sorcieres se seruent de l'Hyppomanes. Et pour entendre quelle diuination est licite, ou illicite, nous dirons, que toute diuination est diuine, naturelle, humaine, ou diabolique. Et de ces quatre2 nous dirons par ordre. La diuination premiere s'appelle diuine, comme venant de Dieu extraordinairement, and outre les causes naturelles. Et quant à celle-cy nous en auons le tesmoignage de Dieu, quand il dict ainsi: S'il y a quelque3 Prophete entre vous, ie luy apparoistray par vision, and parleray à luy par songe: Mais quant à Moyse mon esclaue tresfidelle, and loyal entre tous, il n'en sera pas ainsi: car ie parleray à luy face à face. Auquel passage les Hebrieux4 ont noté que la Prophetie est vne largesse enuoyee de Dieu, par le moyen and ministere de l'Ange ou Intelligence actiue sur l'ame rai sonnable premierement, and puis sur l'imagination: and n'exceptent que la Prophetie de Moyse, qu'ils tie (02) nent auoir esté faicte à Moyse immediatement parlant à Dieu, sans moyen, and en veillant, ce qui est aussi signifié, quand Dieu dist à Moyse,5 I'ay apparu à Abraham, Isaac, and Iacob en mon nom Schadai, mais ie ne leur ay pas monstré mon grand nom IEHOVAH, and -notes- 2Quatre sortes de diuination. 3Numeri 12. 4Definition de Praphetie. Rabi Maymonis, libro 3. [Hebrew omitted] 5Exodi ca. 6. Page 96
