nature nous voyons vn ſi bel ordre des corps ſimples, & que les plus ſubtils ſe logent touſiours au deſſus des plus craſſes, comme il eſt meſme euident par la Chymie, pourquoy cette matiere, qui ſelon vous doit 5 occuper la moitié du lieu des corps ſimples, n’aura-t-elle point de ſphere propre ? Or ſoit que vous luy en donniez, | ou que vous ne luy en donniez point, elle ne ſera pas tranſparente ; autrement par la page 122 cy-deſſus cottée, elle auroit auſſi des pores, qui ſeroient 10 encore remplis d’vne autre matiere ſubtile, & ainſi à l’infiny. Et ſi elle n’eſt point tranſparente, elle ne pourra donc point tranſmettre la Lumiere, comme vous diſiez cy-deſſus, page 259. Car il n’y a que les corps tranſparens qui la puiſſent tranſmettre.
15 6. De plus quel mouuement attribuez-vous à cette matiere ? Car c’eſt encore icy où ie voy de la difficulté & contrarieté. Vû qu’aux nombres 12 & 13 cy-deſſus, & par voſtre figure des petites boules, qui de l’air viennent dans l’eau, il apert que ces petites boules 20 deſcendent d’enhaut en ligne droite. Et bien que, par le nombre 12, auec le mouuement rectiligne cauſé par les corps lumineux, vous leur donniez le circulaire, comme propre, en ſorte que meſme par l’air elles deſcendent en ligne droite, mais muës circulairement 25 à l’entour de leurs centres ; neantmoins au nombre 13 vous dites, tout au contraire, que la boule commence ſeulement à tournoyer rencontrant la ſuperficie de l’eau, ou de quelque autre corps plus denſe que l’air. Mais en premier lieu, donnant à voſtre
