Le texte de cette page a été corrigé et est conforme au fac-similé.
I.
Guigemar.
Ki de bone matire traite,
mult li peise, se bien n’est faite.
Oëz, seignur, que dit Marie,
ki en sun tens pas ne s’oblie.
5 Celui deivent la genz loër,
ki en bien fait de sei parler.
[Bl. 139c] Mais quant il a en un païs
hume ne femme de grant pris,
cil ki de sun bien unt envie
10 sovent en diënt vileinie.
Sun pris li vuelent abaissier :
pur ceo comencent le mestier
del malvais chien coart, felun,
ki mort la gent par traïsun.
15 Nel vueil mie pur ceo laissier,
se jangleür u losengier
le me vuelent a mal turner ;
ceo est lur dreiz de mesparler.
Les contes que jo sai verais,
20 dunt li Bretun unt fait les lais,
vos conterai assez briefment.
1—18 fehlen in S und N. Der Anfang in P lautet : Volentiers deuroit on oir
