Mult s’esmerveillent li plusur ;
205 kar unkes tel semblant ne fist
vers nul hume que il veïst.
Ceo diënt tuit par la maisun
qu’il nel fet mie senz raisun,
mesfait li a, coment que seit,
210 kar volentiers se vengereit.
A cele feiz remest issi,
tant que la feste departi ;
e li barun unt pris cungié,
a lur maisun sunt repairié.
215 Alez s’en est li chevaliers,
[Bl. 154b] mien esciënt tut as premiers,
que li Bisclavret asailli ;
n’est merveille s’il le haï.
Ne fu puis guaires lungement,
220 (ceo m’est a vis, si cum j’entent),
qu’a la forest ala li reis,
ki tant fu sages e curteis,
u li Bisclavret fu trovez ;
e il i est od lui alez.
225 La nuit quant il s’en repaira,
en la cuntree herberja.
La femme Bisclavret le sot.
Avenantment s’apareillot.
Al demain vait al rei parler,
230 riche present li fait porter.
Quant Bisclavret la veit venir,
nuls huem nel poeit retenir :
vers li curut cum enragiez.
227 H le B. (+1) — 233 Hier beginnt S ; S esragiez
204 Mut — 206 kil — 207 tut ; meisun — 208 ke il ; sanz reisun — 209 ad — 210 uolenters — 211 remist — 212 ke — 213 cunge — 214 meisun ; repeire — 216 premers — 217 le — 219 gueres — 220 ieo entent — 221 que a — 222 que — 224 li — 225 repeira — 226 herberga — 228 se appareilot — 232 nul hume
