tuz suls est en un pre venuz.
45 Sur une ewe curant descent ;
mes sis chevals tremble forment :
il le descengle, si s’en vait,
en mi le pre vultrer le fait.
Le pan de sun mantel plia
50 desuz sun chief, si se culcha.
Mult est pensis pur sa mesaise,
il ne veit chose ki li plaise.
La u il gist en tel maniere,
guarda a val lez la riviere,
55 si vit venir dous dameiseles ;
unc nen ot veües plus beles.
Vestues furent richement
e laciees estreitement
en dous blialz de purpre bis ;
60 mult par aveient bels les vis.
L’einznee portout uns bacins
d’or esmeré, bien faiz e fins :
le veir vus en dirai senz faille ;
l’altre portout une tuaille.
65 Eles en sunt alees dreit
la u li chevaliers giseit.
Lanval, ki mult fu enseigniez,
cuntre eles s’est levez en piez.
47 S e il sen v., P si le lait — 48 H lait, C lest, PS fait — 50 H puis le cucha, P puis se c., CS si se c. — 51 S de sa — 52 P vit — 53 P La u li ; C iuit — 54 C avant en la — 55 H si fehlt (—1) — 56 H vnc nen ot ueu plus b., C unkes mes nout veu si b., P onques neut veues si b., S onques not ueues plus b. — 57 H ierent — 58 e laciees] H laciez mut — 59 P de dex bliaus, S.ii. bliaus ont — 59, 60 in C umgestellt — 60 H bei le uis ; S molt auoient bien fez les vis — 6l S.i. bacin : bien fet e fin — 62 H dore furent bien (—1) — 63 P di jou — 65 H sen, SP en ; C Eles sunt alees tut dreit — 66 S estoit ; C das Reimwort fehlt — 67 C ben — 68 H sen leuad, C se leua, PS sest leues
44 tut sul — 45 curaunt — 46 cheual — 48 vuiltrer — 50 cucha — 51 Mut — 52 ke — 53 teu — 54 garda — 55 deus — 58 laciez — 59 deus bliaus — 60 mut — 61 Leisnee ; un — 62 dore — 63 sanz faile — 64 lautre ; tuaile — 66 cheualer — 67 que mut
