490 e cum sis pere la duna
a un barun de sa cuntree,
e cument il l’a puis amee
e ele lui de bon curage,
e cum del cigne fist message,
495 ses letres li faiseit porter,
ne s’osot en nului fiër.
Li fiz respunt : ’Par fei, bels pere,
assemblerai vus e ma mere.
Sun seignur qu’ele a ocirai
500 e espuser la vus ferai.’
[Bl. 170a] Cele parole dunc laissierent
e el demain s’apareillierent.
Cungié pernent de lur amis,
si s’en revunt en lur païs.
505 Mer passerent hastivement,
bon oré orent e fort vent.
Si cum il eirent le chemin,
si encuntrerent un meschin.
De l’amie Milun veneit,
510 en Bretaigne passer voleit ;
ele l’i aveit enveié.
Ore a sun travail acurcié.
Un brief li baille enseelé.
Par parole li a cunté
515 que s’en venist, ne demurast ;
morz est sis sire, or s’en hastast !
Quant Milun oï la novele,
a merveille li sembla bele.
491 H a fehlt (—1) ; S la contree — 495 S les letres li — 496 H nul liu ; S ne sen osoit en nul fier — 498 S iasemblerai — 502 H al — 506 H e suef (+1) — 507 le] S lor — 514 S Par la parole (+1) — 516 S se hastast
490 peres — 491 cuntre — 492 lad — 495 lettres lui feseit — 496 se osot — 497 bel — 499 que ele ad — 501 lesserent — 502 sapareillerent 503 Cunge — 506 eurent — 512 ad — 514 ad — 516 sires ore
