rence entre l’vn & l’autre, & quant au corps & quant à l’ame.
D. Quelle difference y a-il entre nostre ame & celle des bestes ? R. Il y en a trois principales.
D. Qui sont-elles ? R. Premierement c’est que nostre ame est raisonnable , & celle des bestes ne l’est pas.2. Nostre ame est immortelle, & celle des bestes meurt auec le corps. 3 Nostre ame est faite à l’Image de Dieu,& celle des bestes n’y est pas faite.
D. En combien de façons l’ame de l’homme est-elle faite à l’Image de Dieu ?
R. En trois principales.
D. Qui sont-elles ? R. La premiere est, en ce que Dieu est vn Esprit inuisible, d’vne connoissance infinie, & parfaitement libre ; ainsi l’ame de l’homme est spirituelle , inuisible, & doüée de l’intelligence & de la liberté. La 2. est, que Dieu est tout en tout l’Vniuers, & tout en chaque partie gouuernant toutes les creatures : De mesme , l’ame est toute en tout le corps, luy donnant la vie & le mouuement. La 3. est, de mesme que Dieu est vn seul en trois Personnes, Pere, Fils & Saint Esprit ;
