bien prescher.
a Forme dit le Philosophe, donne l’estre & l’ame à la chose. Dites merueilles & ne le dites pas bien, ce n’est rien : dites peu & le dites bien c’est beaucoup. Cela estant, il est tres-important de prescher comme il faut, & methodiquement.
Il faut auoir en la Predication vne action sainte, libre, noble, genereuse, naïve, forte, graue, & vn peu lente. C’est ainsi qu’en parle le B. François de Sales. 1. Vne action sainte, pour exclurre les actions muguettes & mondaines. 2. Libre, pour monstrer qu’il faut fuyr toutes actions contraintes & estudiées. 3. Noble, contre l’action rustique de quelques-vns, qui en preschant battent des points & des pieds, crient & tempestent, & souuent hors de propos. 4. Genereuse, contre ceux qui ont vne action craintiue, comme s’ils parloient à leurs peres, non pas à leurs disciples & enfãs. 5. Naïve c’est à dire sans affectation. 6. Forte, & non point vne action morte, mole & sans vigueur. 7. Graue, contre ceux qui en preschant s’amusent auec leur mouchoir, ou auec la manche
