Cette page n’a pas encore été corrigée
A l’Ambicieux, et avare ennemy des bonnes lettres.
Serf de Faueur, Eſclaue d’Auarice,
Tu n’heus iamais ſur toymeſmes pouuoir,
Et ie me veux d’vn tel Maitre pouruoir,
Que l’Eſprit libre plaiſir ſe nouriſſe.
L’Air, la Fortune, & l’humaine Police
Ont en leurs Mains ton malheureux Auoir.
Le Iuge auare icy n’a rien à voir.
Ny les troys Seurs, ny du Tens la malice,
Regarde donc qui est plus ſouhaitable
L’ayſe, ou l’ennuy le certain, ou l’instable.
Quand à l’honneur, i’eſpere estre immortel :
Car vn cler Nom ſoubz Mort iamais ne tumbe.
Le tien obſcru ne te promet rien tel.
Ainſi, tous deux ſerez ſoubz meſme Tumbe.
❧ CAELO MVSA BEAT.
- seurs : sœurs
