dame dud Charlieu et des sieurs vénérables religieux et couvent dud. Charlieu, Mres Jehan Goudard de Morey notaire procureur spécial de noble seigr Guillaume Lulier de Vesoul docteur es droits seigneur de Chauuirey, Vitrey autres faisant aparoir d'icelle procuration promptement et estant en debuoir a dict que puis naiguère le d. Sr Lulier auoit acquis et achepté de dame Marguerite du Chastelel dame de Chauuirey autres, une pourtion de la seigneurie de Bethoncourt sur la Mance qu'auoit estée declairé par le vendaige este et mouuoir du fief de mes d. seigrs a cause de la d. abbaye, et pour ce ne desiroit le d. sieur Lulier s'entremectre en la possession d'icelle seigneurie qu'il n'eust satisfait a ce quil estoit tenu faire enuers eulx et selon qu'il est requis par la coustume de Bourgogne nous requeroit a ce moyen comme principal officier de mes d. sieurs et pour l'absence du d. Illustre seigneur De Lasbaulme, abbé du d. Charlieu le recepuoir au nom du d. sieur Lulier a la reprinse de fief d'icelle seigneurie de Bethoncourt qu'il confessoit mouuoir de la d. abbaye et luy permettre l’entremyse en icelle sans dangier de commise Quoy ouy auons reccus et admis Recepuons et admectons le d. sieur Lulier a la d. Reprinse de fief de la d. seigneurie de Bethoncourt sur la mance sans par ce vouloir aduouher appreuuer et ratiffier aulcunes franchises ou aliénations qu'auroit este faittes de la d. pourtion de seigneurie ou de partie d'icelle cy deuant sans la participation des mes d. srs ou de leurs deuanciers en la quelle seigneurie le d. sieur Lulier se pourra entremectre et en prendre la vraye réelle et actuelle possession sans dangier de commise Luy ordonnant néantmoings de deans trois mois prochains donner par déclaration et denombrement en forme probante, Les meix, maisons, hommaiges, main mortes censes rentes, justice domaine droits et auttres parties de la d. seigneurie au d. seigneur illustre abbé, sieurs venerables Religieux et a nous pour estre jointz a cestes a peine de tumber en la penne contenue esd. coustumes soubz le titre de fief Le d. Lulier en personne ou par procurieur fondé de procuratoire auctentique, Nous ayant, neantmoing le d. Goudard laissé ez mains sa charge et procuration escripte et signé du d. Lulier ce que le d. Goudard a promis faire, Mre Jehan du fourg de Morey praticien procureur d'office esd. terres et seigneuries pour les d. seigneurs pour eulx presens et stipulant en tesmoings de quoy auons soubsignez cestes de nos noms et seings Manuel a cy mis auec celuy de Jehan Cordienne de Montigny scribe de mes d. seigneurs en leurs
