Page:Ernest Roze - Charles de l'Escluse, 1899.djvu/80

82

BIOGRAPHIE ET CORRESPONDANCE

qui sont paindtes de couleurs ne couste moins de demy reichstaller ou demy florin. Celui qui les pourtraicte icy sur planches de bois observe mieux tous lineamens, et suit mon instruction. J’ay faict marché avec luy de cinq batz pour pièce l’une portant l’autre, et avec le tailleur (duquel en ay-jà tiré 6 ou 7) de 14 batz de chacune pièce l’une portant l’autre (car il y a plus d’ouvrage à l’une qu’à l’autre) : il est le meilleur tailleur de ceste ville, fils de Virgilius Solis, et le puis solliciter à son ouvrage, ce que ne pourroye faire, s’il estoit hors de la ville, qui taillant les planches à leur plaisir s’acquittent bien souvent fort mal de leur devoir, mesmes corrompent souvent la figure bien pourtraicte : puis ay trouvé icy un menuisier qui est seul qui scache faire bonnes planches de poirier bien assaisonné et net, à dix pfennings pour planche, de sorte que chasque planche reviendroit à ung reichstaller ou 20 batz 4 deniers moins. Avisez si vous les voudrez avoir à tel prix et m’en donnez advertissement par le premier, à fin que si le marché ne vous agreoit, je ne poursuyve plus avant : car j’aymerois mieux à bailler les descriptions sans aucune figure (encores que le livre en sera moins estimé) que de me mettre en plus ample despence. Toutes fois je pense que la pourtraicture et la taille de chasque planche ne coustera guere moins en Anvers : et les faisant faire icy on espargne la despence du paintre, lequel il me faudroit icy employer, car j’en puisse aucunefois tirer avec le craion quelques unes (comme je ne suis pas paintre) je ne les puis si naifvement exprmier qu’il seroit de besoing, et ce me feroit beaucoup de temps perdu. Je colleroy toutes les figures sur quaiers de papier les disposant tellement par ordre, et escrivant sur chacune le nom, le chapitre et le livre ou chacune doit entrer, voire et le nombre (quand il y entre plus d’une en un mesme chapitre) qu’un apprenty ne scauroit faillir de les mettre où elles appartiennent et ecry aussi sur le dos de chasque planche le mesme, à fin que par les figures marquées on les cognoisse incontinent. Et à la foire prochaine je vous envoyrai et les planches taillées et les caiers des figures collées que j’auroy prests : mais il faudra que premier toutes les figures des sortes d’Anemone que j’ai envovées par dela à cause que la taille de celles que m’avez envoyées est tellement