Le texte de cette page a été corrigé et est conforme au fac-similé.
Fut dict, fut faict. L’Aigle prend sa vollée
Tout au plus hault, puis laisse en terre basse
L’huystre tumber ; sy viste est dévalée
Contre le roch qu’en deulx elle se casse.
Mais la Corneille incontinent amasse
L’huystre qui est dehors de sa coquille.
Par quoy de dueil quasi l’Aigle trespasse,
En menassant la Corneille subtille.
Il ne fault pas croire sy de legier,
N’adjouster foy à tout conseil qu’on donne ;
Sy par conseil tu veulx ton faict renger,
Avant que faire, advise la personne
Qui te conseille, et de ton cas ordonne :
Car maintenant chascun conseille aultruy
Sy fainctement que qui s’y habandone
Void son dommaige en fin tumber sur luy.
