Il luy arriva une rencontre environ trois mois avant sa mort, qui en est une preuve bien sensible, et qui fait voir en mesme temps la grandeur de sa Charité. Comme il veuenoit un jour de la Messe de S.t Sulpice, il vint à luy une jeune fille aagée d’environ quinze ans fort belle, qui luy demanda l’aumoſne. Il fut touché de voir cette personne exposée à un danger si evident. Il luy demanda qui elle estoit, et ce qui l’obligeoit de demander ainsy l’aumoſne, et ayant sceu qu’elle estoit de la campagne, que son pere estoit mort, et que ſa mere estant tombée malade, on l’avoit portée à l’hostel Dieu ce jour là mesme, il crût que Dieu la luy avoit envoyée aussitost qu’elle en avoit esté dans le besoin : de sorte que dés lʼheure mesme il la mena au ſeminaire, où il la mit entre les mains dʼun bon prestre à qui il donna de l’argent, et le pria d’en prendre soin, et de la mettre en quelque condition où elle put recevoir conduitte acause de sa grande jeuneſſe, et où elle fut en quelque seureté de sa perſonne. Et
