finir par nostre eglise cathedrale. Et en effaict nous serions partis dud. Vance pour faire le commancem[en]t de lad. visite par le lieu de Besaudun, duquel lieu nous sommes seigneur spirituel et temporel, et appres nous y estre reposés quelques jours nous aurions faict nostre visite de la paroisse dud. lieu le quinziesme du mois d'aoust dernier jour et feste de l'Assomption de la Tres saincte Vierge ; et icelle achevée nous l'aurions aussi faicte dans toutes les autres paroisses des lieux de nostredict diocese dont la derniere feust celle du lieu de St- Laurens que nous aurions achevée le vingt deuxiesme novembre dernier ; et avant que de partir dud. lieu pour venir aud. Vence commançer cele de nostred. eglise cathedrale, et sur la notice que nostre promoteur eust que le sieur sacristain oeconome se ventoit de ne vouloir point faire soner les cloches à nostre arrivée, quoy qu'il y feust obligé par droict et de toute coutume ensiene[1], et q[u'i]l avoit faict le mesme refus dans un autre rencontre, nous aurions faict ordonnance au bas du comparentà nous p[rese]nté par nostred. promoteur d'office aud. lieu de Sainct-Laurens le vingt
uniesme dud. mois de novembre portant ordre
- ↑ Sic pour ancienne
