aud. mess[ir]e Gaspard de Villeneufve sacristain et oeconome du chap[it]re de faire soner les cloches à nostre arrivée aud. Vence pour y commançer nostre visite à la maniere accoutumée, à peine en cas de contrevantion de suspence ipso facto pour quatre mois ; laquelle ordonnance feust signiffiée aud. oeconome le vingt deux dud. mois par mess[ir]e Antoine Ollivier diacre qui luy auroit declaré par son exploict comme nous devions arriver aud. Vence led. jour vingt deux novembre sur les quatre heures appres midi affin qu'il n'en prétendist cause d'ignorance. Ce néantmoins led. oeconome à nostre arrivée aud. Vence qui feust led. jour et heure de quatre appres midy pour y commançer nostred. visite, n'auroit dagné[1] de faire fere lad. sonerie des cloches ni moins dasgné de nous venir recevoir à la manière accoutumée ; au contraire il se seroit promené par un pur mespris et desobeissance par la ville et deffendeu au campanier de soner, au grand murmure et scandale de tout le public. Et estans
arrivés dans nostre palais episcopal, nous
- ↑ Pour "daigné"
