avec un peu de coton, & continuez le feu tant qu’il se sublime. Apres laissez refroidir votre vaisseau, puis prenez le sublimé, tant celuy qui est à l’antenos, que celuy qui sera au vaisseau, & si le vaisseau n’est point rompu, vous le nettoyerez de ses fesces, y mettant un peu d’eau tiede, & l’y laissant par l’espace de 2 heures, & les fesces se deferont : derechef mettez nouveaux materiaux & faites ainsi que dessus, & reiterez par 7. fois avec nouvelles matieres, & separez tousjours votre sublimé, que ferez en en fin passer par un tamis : apres vous le mettrez dans un autre vaisseau semblable au premier, mais faut qu’il soit de trois pieces, à sçavoir qu’il ait son antenos, & son chappeau, parce que l’on fait diverse operations en un mesme vaisseau : vostre sublimé estant dans votre dit vaisseau, vous y mettrez tant de menstruë simple, qu’il surnage de trois bon doigts le bouchant avec l’antenos, & ledit menstruë peut estre vegetable ou animal comme bon semblera, puis vous le mettrez en cendre qu’il boüille legerement par 12. heures : puis ostez l’antenos, & mettez le chappeau, & distillez par le bain, tout le menstrue, alors ostez le chappeau
