tient mortifiée le ſuſdit eſprit, les larmes commenceront à ſe faire rondes, & ne coulleront plus par le chapeau, ayant figure de perles. Alors oſtez le recipient, & le bouchez bien qu’il ne reſpire, & le gardez en lieu le plus froid que vous pourrez. Ainſi vous aurez ſeparé ſon ame, combien qu’il y ait encore de ſa mort. De cette façon vous pourſuiurez leſdites diſtillatiõs. Apres que vous aurez receu ſa mort, c’eſt à dire son phlegme, lequel ſera odoriferant. Ainſi vous continuerez tant que la matiere demeure au fonds comme vn gros miel ou poix fonduë noire[1], gardez bien qu’elle ne s’eſſuye, ſinon auec ce ſigne, & apres vous ſeparerez les Elemens de noſtre B. ou vin. Ainſi aurez tiré la forme ſelon que ie vous ay dit, & de meſme façon la pourrez tirer de tout Indiuidu, à ſçauoir des animaux et des vegetables.
- ↑ Voyez le Chap. F. & p. 10.
