vaisseau, & ce qui montera plus haut, ce sera une poudre tres blanche, ce qui montera à la moitié dudit vaisseau, sera comme fueille de talch, & ainsi vous aurez tous les signes par lesquels il vous sera impossible de faillir. Je suis bien certain que n’estes pas ignorant qu’il faut faire dissolution, le souphre vegetal & animal. Prenez la terre vegetable preparée, selon que nous l’avons declaré au Chapitre F. Et icelle abreuvez avec son esprit animé la huictiesme partie, & bouchez avec son antenos, & mettez au bain comme nous vous avons enseigné des mineraux, & la laissez par huict jours.[1] Après levez l’antenos, & luy tenez le chapeau dessus & mettez en cendre legere comme chaleur de Soleil, & laissez sortir son humidité, laquelle sera sans aucun goust à la façon d’une eau chaude, & de rechef l’imbibez avec la septiesme partie, mettez au bain, puis distillez par cendre, alors imbibez encores avec la sixiesme partie digerant & distillant par cendre comme dessus, puis l’abreuvant avec la cinquiesme partie, & la quatriesme faisant comme dessus : Mais en cette quatriesme partie tu
- ↑ Dissolution ne se peut faire sans le souphre vegetable, & animal page 10.
