distillations par cendres, & les distillerez ; & au fonds du vaisseau vous demeurera l’element du feu en farine seiche, & sur ledict élement de feu vous verserez l’element qui tient en soy ledict élement de l’air tous deux ensemble : puis vous mettrez dedans un col long & tors pour distiller par cendre honneste, & quand vous verrez les élements conjoints en la susdite distillation, au fond du vaisseau vous demeurera comme un gros miel, que vous continuerez tant à distiller à feu honneste que vous voyez la matiere congelée : sçachez que c’est notre élement de feu. Alors cessez du tout la distillation, & sçachez qu’en ses deux distillations vous aurez l’élément de l’air deuxiesme, lequel on appelle le thresor physique en une vraye huille pour inserer les medecines, mais qu’il vous souvienne que du premier air on s’en sert encore, & qu’on en travaille aux compositions des susdites medecines : qu’il vous souvienne aussi comme cet huille ou air deuxiesme participe beaucoup de la substance corporelle, partant il faut que vous le rectifiez
