desquels exhaler l’eau menstruale, à sçavoir en mettant en la bouche du vaisseau du coton, à celle fin que l’eau passe & non pas le metail, & comme il vous semblera que la matiere soit mise en huille ou bien en liqueur, vous le mettrez en une fiolle ou bien vaisseau rond, & luy donnez feu de cendres, par vingt jours au bout desquels laissez refroidir voter vaisseau, & recevez le poids de cette medecine : que s’il y a une once, mettez cent onces de Mercure lavé comme dessus est dict au Chapitre de la fermentation, & le mettant en cendre qu’il boüille legerement. Apres vous ferez la reduction, comme nous vous avons enseigné au superieur particulier en la cendrée ou copelle grande avec trois livres de plomb, & vous aurez or ou argent selon que sera le ferment, qui sera pareil à celuy de la minière.
Quand vous aurez reduit le corps ou bien ferment, en huille, & que vous aurez separé son menstruë, à savoir avec le coton comme nous vous
