grand magistere, comme ces règles & operations consistent, & verrez qu’il n’est nécessaire d’incruder les deux luminaires, c’est à dire, commencer là ou la nature a achevé, ainsi que faict le Laboureur, qui prépare sa terre, puis met la semence cuitte du Soleil en sa terre plaine d’humeur ; De mesme il faut retrogarder, & ouvrir la vertu vegetative de l’or, c’est à dire, que le Sage artiste calcine ces corps, les subtilie, discontinuë, apres dissoluë avec l’eau plaine d’humeurs, qui est la sienne reincrudation, dequoy il en naist une vraie putrefaction : apres s’ensuit toutes les operations dessusdites du magistere. Tellement qu’il faut que vous croyez pour certain & veritable, qu’il faut reincruder l’or & l’argent : mais le Mercure vulgaire est de contraire operation, par ce qu’il faut le decuire, & après le faut cribler, afin que vous puissiez avoir sa moyenne substance, appelé d’aucuns sa premiere matiere, puis luy donner l’un des deux luminaires reduit en huille, comme avons enseigné, & cela est appelé ferment, sans lequel il est possible de faire transmutation. Partant fuyés ces faux Alchymistes qui font un amalgame, &
