Le texte de cette page a été corrigé et est conforme au fac-similé.
Fidelis in obsequiis
Et justus in judicio,
Discretus in consiliis
Pressis erat præsidio.
Intentus pio studio,
In sedandis discordiis,
Nullaque sibi ultio
De susceptis injuriis.
Una vultûs hilaritas,
Una mentis constancia
Quam non fregit adversitas,
Nec resolvit lætitia.
Assiduo circuitu
Ibat prædicans populis,
Fusco contectus habitu,
Sed coruscans miraculis !
Sit laus trino et simplici
Deo, qui per suffragia
Yvonis tam mirifici
Det nobis cœli gaudia. Amen.
II.
Gaude terra Franciæ,
Et proesertim Britanniae
Nobili progenie
Quae dedit Yvonem.
