Le texte de cette page a été corrigé et est conforme au fac-similé.
Per sacra exercicia
Duxit Yvonem puerum
Deus sola clementia
Homo in fine temporum.
Laus Patri, Nato, Neumati,
Sit per Yvonis opera
Cujus accensi dogmata,
Cæli cernamus munera.
VI.
Qualis mane novo cum caput exerit,
Nullis sol oriens nubibus obsitum
Fructus agricolis nuntiat uberes
Et lætum populis diem.
Sic nascendo piis Yvo parentibus,
Felices animi primitias puer
Virtutisque dedit quis foret indicans
Ætas dum faceret virum.
Et jam quam meritis grandibus emicat !
Seu decreta ferat seu sibi creditas,
Ducat pastor oves, moribus exhibet,
Quos sermonibus edocet.
