des biches ils se metent en harde et en compagnie avec le harpaill[1] et demeurent ès landes et bruyères plus que ne font aux boys pour avoir la chaleur du souleill. Ils sont povres et mègres pour le travail, qu’ilz ont heu avec les biches et pour l’yver et le pou viander qu’ilz trouvent. Après ilz laissent le harpaill et s’acompaignent deux, ou troys, ou quatre cerfs ensemble, jusque tant que vient au mars, qu’ilz giètent leurs testes communément, aucuns plus tost selon qu’ilz sont vieulx cerfs, et aucuns plus tard selon ce qu’ilz sont juenes cerfs ou ont heu mal yver, ou l’en les a chassiés ou sont malades ; quar lors muent ilz leurs testes et se réparent plus tart. Et quant ils ont geté leurs testes, ilz prennent leurs boissons au plus requoy[2] que ilz pevent pour refere leurs testes et leur gresse après bon pays de viander et de blez, de pommes, de vignes, de revenues, de boys, de poys, de fèves et d’autres fruys et herbes de quoy ilz vivent. Et aucune fois un grant cerf a bien un autre compaignon avecques luy que l’en apelle son escuyer ; quart il est à li et fet ce qu’il vuelt. Et illec demuerent, qui ne leur fera annuy[3], toute la sayson jusques à la fin d’aoust. Et lors commencent à muser, et à penser et à eschauffer et à errer et à remuer de là où ilz aront esté et demouré toute la sayson pour aler querir les biches.
Ilz refont leurs testes et sont sommées[4] de quant qu’ilz por-
- ↑ Harpaill ou harde, troupe de bêtes sauvages. (Du Fouilloux.)
- ↑ Requoy, tranquille, retiré.
- ↑ Qui ne leur fera annuy. Pourvu qu’on ne leur cause pas d’ennui.
- ↑ Sommées. Semées. « Et dès la moitié de juin leurs têtes seront semées de ce qu’elles doivent porter toute l’année, pourveu qu’ils soient en bon pays de gaignage, n’ayans pas d’ennuy. »
(Du Fouilloux, ch. XVIII.)Du Fouilloux se sert aussi du mot sommé :
(Du Fouilloux, ch. XXXVI.)J’ai aperçu le cerf au viandy,
Ayant la tête haute, ouverte et paumée,
Et en tous pairs me semble bien sommée.
