il set tot[1], et les biens et les maus, comme cil qui astronomie fist, que l’en soloit jadis pour amie[2] tenir. Car c’est une art de si trés noble estre que, qui en porroit estre bien sages, il porroit connoistre a droit comment li mondes fu compassez[3][* 1] et assez d’autres choses. [F° 31 b] Car c’[4] est la science par quoi[5] l’en connoist miex et plus a droit toutes[6] riens.
Par li seule furent trouvés[7] les autres ·vi· qui sont nommées devant[8] ; et sanz eles ne porroit nus savoir a droit d’astronomie, tant fust sages ne poissanz[9]. Tout ausi comme une hache ou ·i· autre outill de maçon sont li estrument[10] par quoi il forme[11] sa besoingne[12] et de quoi il fait son mestier, tot[13] autresi par droit majestire[14] sont les autres [F° 31 c] ·vi· estrument [15] et fondement d’astronomie.
Et li preudoume[16] ça en arriere, et roi et prince et duc et conte et autre grant seigneur[17], par leur sens et par la[18] bonne maniere qui estoit en euls, metoient toute leur painne et tout leur labour en savoir les arz[19] de clergie pour d’astronomie entendre[20]. Et tant i entendirent qu’il en sorent assez par la volenté de Dieu. Car il sorent mainz granz afaires qui avenoient par le monde. Si ne [F° 31 d] prisoient riens les choses qui avenoient en terre, comme cil qui bien en savoient la raison.
Si estoit coustume au tens de lors que se nus fust sers a autres genz[21], ne nus hons bas, ne nus vilains, tant fust plains de grant avoir ne de richeces[22], n’osoit il riens aprandre[23] des ·vii· arz pour les gentils hommes qui tuit en vouloient entendre[24] le principal, pour ce qu’il fussent liberal et franc. Et par ceste raison leur mistrent il a non les [F° 32 a] ·vii· arz liberaus.
Et a droit les nommerent liberaus. Car eles[25] sont si franches que il[26] rendent l’ame toute franche a Dieu. Et sont ordenées si a droit et données si entierement que l’en n’en peut[27] riens oster ne riens metre, tant s’en seüst entremetre, tant fust sages. Car se l’en en remuoit riens qui i soit, eles seroient toutes desfigurées. Car eles sont si a droit faites que nus hons qui soit en tout le monde, tant fust de [F° 32 b] parfonde escience, ne paien, ne[28] juif, ne crestien, n’i peut[29] riens ne muer, ne oster, ne contrester de rien.
- ↑ — B : tout.
- ↑ — A : « amie » manque.
- ↑ — A : compasserz.
- ↑ — B : ce.
- ↑ — B : coi.
- ↑ — B : toute.
- ↑ — B : trouvées.
- ↑ — B : devant nommées. ; N : nomées.
- ↑ — B : puissanz ; N : poissanz.
- ↑ — B : les instrumenz ; N : les estrumenz.
- ↑ — B : fourme ; N : forme.
- ↑ — B : besoigne ; N : besoingne.
- ↑ — B et N : Tout.
- ↑ — A : droit maiesture ; B et N : maiestire ; C : droite maistrie. Sloan : droit maiestire.
- ↑ — B : estrumenz.
- ↑ — B : les preudommes.
- ↑ — B : arrieres, et rois et princes et contes et autres granz seigneurs ; N : arrieres, et rois et princes et dus et contes et autres granz seigneurs.
- ↑ — B : leur.
- ↑ — B : ars.
- ↑ — B : pour entendre d’astronomie.
- ↑ — B : gens.
- ↑ — B : richeises.
- ↑ — B : aprendre.
- ↑ — A : « entendre » manque ; B : entendre en voloient.
- ↑ — B : il.
- ↑ — Voir notes f° 30 a, 56 c sur il.
- ↑ — B : puet.
- ↑ — A : ne ne.
- ↑ — B : puet.
- ↑ * Compasserz : cette forme est isolée dans le ms. A, et n’est pas confirmée par d’autres ouvrages.