Page:Gournay - Les advis ou Les présens de la demoiselle de Gournay (1641).pdf/372

352

LES ADVIS.

febue. Quelqu’vn encore fait-il la bouche ſucrée, pour n’oſer dire, qu’vne telle eſt accouchée n’aguere du plus bel enfançon, & qu’il ayme bien ſon petit frerot, & ſa petite ſœurette ? Dire auſſi qu’vn ieune enfant eſt le plus vray folet ou doucet, le plus vray fretillon, ou folion, & ceſte petite fille de meſme ? ſans eſpargner finet & finette, ſimplet & ſimplette, maigrelet & maigrelette : guilleret & guillerette en ſont encores, quoy que moins communs. Ny ie n’allegue plus icy, ſeulet, pauuret, tendrelet, graſſet, ou leurs feminins & leurs égaux, puisque ie les ay couchez au diſcours mentionné, Du Langage de nos deux Prelats. Suiuamment chacun donne aux Villes & aux Cours, ces diminutions de nom aux enfans par mignardiſe, Madelon, Catin, Margot, Ianon, Annichon ou Nanon, Manon, Claudine, Francine, Lyſette, Marthon : ouy parfois, Niſon, Babel, Elon & Suſon, pour Deniſe, Iſabelle, Helene & Suſanne : plus, Pierrot, Ianot, Carlin, & tant d’autres : outre celuy que le Cardinal du Perron a trouué dans le nom d’Aſcagne. Pour le regard de la Campagne, elle a ces meſmes Diminutifs de noms, & quelques autres pour la bonne meſure. Les champeſtres & les polis mondains, ſçauent dire, par fois, le Bergerot, la Bergerette. Apres tout les plus honneſtes perſonnes auſſi, proferent à tous coups, ſe marier par amourettes, aller aueuglettes, dire par épaulettes, mener au tabourinet : ils n’eſpargnent point vne fine-minette, vne humeur enfantine, vne camuzon, vne menon, vne pauure petiotte, vn peton, vne menotte : nomment en ſuitte leur incarnadin & leur camelotin, auſſi volontiers que leur incarnat & leur camelot : ny les Dames n’obmettent pas, le creſpon, qui ſonne éuidemment, creſpe leger, ou leur vertugadin & leur collerette, Diminutifs de vertugade & de colet. Les gens du monde diſent frioler & friolet, iſſus par diminution du verbe friander, & ſi diſent encores, tacheter, marqueter, grignotter & buuotter : ces deux tirez de grignon & de boire. Nous adiouſterons qu’ils employent, morſiller vne pomme, poinctiller vn homme, ſauteler, ſucçoter, machonner, viuotter, voletter, baiſoter, taſton-