LES AVENTURES DE PHAETON
Soleil l'était dans son maison,
Quand ein zour son fils Phaéton
Rentr' dans la çambr' tout en colère.
Li morgrogn', li l'était qui plère,
Visaz' l'était rouz' comm' piment
A forç' son çagrin l'était grand.
Li dit : " Ça n'a pas ein la honte!
"Ça même li sang mon visaz' monte,
"Di mond' , (comment qu'moi va dir' çà?)
"L'a dit qu'vous n'a pas mon papa…
"Ah ! Dié! Bon dié! Mon coer y saigne,
" Ça même moi viens rôd' bon z'enseigne,
"Et pour z'aut' la guèl' moi fermer,
"Qui quéq'çôs' moi viens demander.
"Faut qu'vous prêt' à moi vout' voitire,
"Et vout' cival blanc pour montire,
"A c'thèr' z'aut' va dir' : Phaéton,
" Ça z'enfant soleil tout di bon.
"Papa, prête à moi vout' carriole,
"Vout' cival ça qui caracole,
"Moi connais vous là l'est trop bon
"Pour vous cacab' dire à moi non."
Soleil, en branlant son la tête,
La r'pond : " Ça qui trop bon li bête,
"Vous y vient flatt' flatter mon coer,
"Prend' gard' çà mêm' pour vou' malhèr,
"Vous
