Page:Héry - Fables créoles et exploration dans l'intérieur de l'île Bourbon, 1883.djvu/33

Comm' çà qu'Ulyss' l'a fait…Guett' ein pé son parole!
Canards y nomm' Ulyss' comm' blancs qui montr' l'école,
Faut dir' aussi canards qui parl' latin,
Qui suivr' z'enfants collèz' quand qu'après manz' z'aut' pain.
Enfin z'aut' la cont' tant d'nouvelle,
Qu'man-torti perd' net son cervelle
Li dit : "Allons-nous vit'" , canards dit : "Tiens-vous bon,
"Souqué bien ni mitant d'bâton,
"Trap' li bambou par son traverse,
"Prends gard' va timber la renverse.
"Laç'pas maman, si vous çappé,
"Vous va donn' marrons grand soupé."
Li r'pond tout en faraud : "Allez, moi n'a pas bête;
"Allez-vous!" Li l'allonz' son tête,
Lir tir' son patte en bas, en haut,
Comment grinouitt' qui dort sis l'eau.
Quand qu'tout l'a fini prêt…frrr…canards y s'envole;
Pique en l'air!…Noirs-commin' l'était qui fouill' rigole,
Au d'sis d'Saint-Paul, dans n'cimin Bernica;
Tout' la commenç' crier: "Guett', çà torti maca!
"Où çà qu'torti bébêt' pour gagn' montire?
"Çà la rein' qu'li n'en a voitire?…
"Oui, moi la rein' , bande…" Ouah! N'a pas l'tems dir' plis long,
Li la timbé lourd comm' di plomb ;
Son z'écaill' la 'crâse en haut de roce,
Gaspard, gros noir gourmand, l'était travaill' tout proce,
La saut' dissis, la gagn' manzer,
Encor' n'a point la pein' plicer.

 Zens qui trop grand parler, acout' siprit mon conte ;

 Nout' la langue y ramasse malhèr ensemb' la honte ;
Çaud la langu' li zist' pour perdi ;
Bli pas li cont' maman torti.