Page:Héry - Fables créoles et exploration dans l'intérieur de l'île Bourbon, 1883.djvu/51

Li guett' torti marçer qui débatt' et qui soué,
Tout comm' ein gros soufflèr sis les récifs éçoué.
Enfin l'i r'gard' di côté di bittaze…
Li voit torti bien proç qui hallait son couraze.
"Allons , l'est temps!" Li dit. Li la prend son z'élan,
Li court comment cabri qui sauv' Villiers Adam.
Mais li n'en a beau fair, l'a s'trouv' bien camiçatte,
Quand qu'li voit qu'man-torti la touç' la born' son patte.
Qui çà qu'Lièvr'? – Z'écoliers ça qui gaspill' z'aut' temps.
Qui çà qu'Torti ? – Z'élèv' çà qu'l'est bien travaillans.
Moi raziss' çà tout li z'enfans collèze,
N'en a qu'la têt légèr comment bouçon di lièze.
Comm' z'aut' n'en a bon têt' , z'aut' y fait z'aut' vantard,
Au z' é z'aut' y mett' vit' , y mett' au travail tard.
Mais laquell va gaigner ? Tout mavouz' sans cervelle,
Ç'à mêm' va gaign' couronn' ? N'a point, va gagn' miguèle
Zécoliers raisonnab' çà qu'blancs y nomm' piocèrs,
Va racler tout li prix…Couraze aux travaillèrs.