LE RENARD ENSEMBL' LI BOUC
Pitit renard fité l'était faire ein voyage,
Ensenble ein papa bouc gras comm' vié négociant ;
Son li corn' l'était long' comment les dents z'alphant.
Z'aut' dex amis' la route en contant badinaze.
Mais, quand qu'la travers' Grand-Brûlé,
Z'aut' la lang' dans' n'la gorz' v'là qu'la commenç collé.
Li bouc commenç : "Moi tout en naze!
"La soif y touffe, y 'trangle à moi ;
"Moi n'a pas cacab' davantaze,
"Mon la lang' vini sec comm' çà qu'milet d'çarroi.
Enfin z'aut' l'arriv' Saint-Philippe,
Li bouc la gué l’encor' : "Bon Dié! Moi l'est fini?
"La soif y broulé mon la tripe,
"Trouve ein pé di l'eau, mon z'ami.
Li renard l'a r'viré! "Guette!…Ein puits!…Bon couraze,
"N'en a beaucoup di l'eau dans n'fond,
"Vous va rafraichir vout' visaze ;
"Embarrass' pas si l'est profond.
Tout' dé saut' en brital, sans casser z'aut' la patte;
(Ma foi Dié! Z'aut' l'avait bonhèr),
Z'aut' y détremp' gosier qui gratte ;
Mas'sire à vous z'aut' y boir di bon coeer.
Z'aut' y boire, y boire grand gorzée,
Z'aut ventr' l'est gonflé comm' ballon,
Faut voir z'aut' moustaç tout' frisée,
Qui plonz' sous l'eau zisqu'au menton.
Enfin li
