LE RAT DE VILLE ET LE RAT DES CHAMPS
Salaz' , dans n'la grande Ilette,
N'avait ein rat, vié zhabitant ;
Sous ein gros roç, à proç ein bois d'gaulette,
Li n'avait bâti son boucan.
Dans n'son p'tit cas li vivr' tranquille ;
Li content batat' , bred' lastron ;
Li 'mazin' pas sèl'ment la ville,
Son coer l'amarré 'bitation.
Ein jour li l'entend grand tapaze,
Ça l'était ein rat Saint-Dinis
Qui gratt-grattait la port' son case ;
Quand qu'li la rouvr' , la rest' camis.
(Dans n'son grand-bois l'était hontèse
Caq' fois qu'li guett' di mond' 'tranzer) ;
Mais li rat Saint-Dinis dans ein n'son façon joyèze
Dit : "Moi vient voir à vous, si n'a pas déranzer ;
"A la vill' moi l'était malade,
"Mon l'appétit n'a pas 'tait grand,
(Zens trop riç souvent mal portant!)
"Moi l'a vient prend' li-zeaux pour faire ein promenade,
"Med'cin l'a dit qu'l'est bon pour mon tempérament ;
"Comm' moi l'annoui' la sourç' , moi vir'vir la zournée,
"Tout' li côtés, moi sauter comm' cabri;
"Pendant qu'après rôder, moi l'avis vout' fimée,
" Ça mêm' que moi la rentre ici
–"Vous l’a bien fait l'a r'pond li maîtr' la case,
"Moi l'est bien content voir à vous ;
"Et nous va fait z'amis sans tarder davantaze ;
"Vous va prend' ein coup d'sec et diz'ner ensenbl' nous."
A c't'her, rat d'Salazi' li branner son ménaze,
