pour la garde de sa maison. Et pour ce que je desire le gratifier de cela et de plus grand chose, je vous prie suivre mon vouloir et intention en cest endroict.
De Ste Foy, ce xxiiije juillet 1580.
Orig. – Arch. de M. le comte H. C. de Meslon. Communiqué par M. le secrétaire général du département de la Gironde.
Mellon, J’ay veu vostre lettre sur le faict de Castelmauron, à quoy il a esté satisfaict par l’estat general baillé à Pichard et la Courtiade, pour le faict des contributions ordonnées par mon secretaire Poissar en la dicte ville de Castelmauron ; aux habitans de laquelle vous establirés tel nombre de soldats que vous cognoistrés estre besoing pour la garnison, et, pour leur entretenement, les attributions plus commodes de celles comprinses au dict estat general. Au reste, donnés-moy advis à toute heure de ce que vous obtiendrés, et n’espargnés poinct les messagers ; car vous ne me sçauriez faire plus de service : priant sur ce le Createur, Melon, vous avoir en sa garde. De Fumel[1], ce xxve juillet 1580.
- ↑ Bourg de l’Agénois sur le Lot, aujourd’hui chef-lieu de canton du departement de la Gironde.
