que de retrancher ou d?en amoindrir la dignité d’une‘ telle action à l'endroict du Sainct Siege, pour le respect de lapersonne de Sa Saincteté, ainsy que vous dirés. Et toutesfois j’aime encores mieux de faillir à ce mien desir que de desagreer ou donner peine aucune à Sa Saincteté au commencement de ce sien pontificat. Conferés-en donc avec Sa dicte Saincteté.
Je ne laisseray pas pour cela de faire partir et acheminer le s’ d’Halincourt dedans huict jours, aliin que le s’ de Bethune partant de Rome, suivant la permission que je luy av donnée, ceste legation demeure vacante le moins de temps que faire se pourra ; faisant estat, aprés vostre response sur cette question, de pourveoir à tout ce qui sera necessaire pour contenter Sa dicte Sainteté, et me conformer entierement à ses intentions. Et —d’autant que je ne sçay si ce porteur trouvera encores à Rome le dict s" de Bethune, je vous prie, s’il estoit party, ouvrir les lettres que je luy escris, et executer envers Sa Saincteté et ailleurs les commandemens que je luy fais. Conferés aussy avec luy de la susdicte difficulté et pareillement avec le car- . dinal `du Perron, et m’escrivés librement ce qu’il vous en semble. Et quand vous m’aurés faict sçavoir les particularitez et circonstances de ce qui s’est passé en l’election de Sa Saincteté, ainsy que vous m’avés promis par vostre lettre du premier de ce mois, je vous escriray sur icelles mes intentions. J e m’attends aussy d’apprendre par vostre dicte premiere depesche les noms et qualitez de ceux qui seront favorisez de Sa Saincteté, et auxquels Elle commettra la direction et charge des affaires publicques, affin de regler sur cela ma conduicte envers Sa Saincteté et eux.
Le sr Strozzy sera porteur de la presente, m’ayant demandé permission d’aller trouver Sa Saincteté, de laquelle, comme il m’a esté souvent recommandé, j’ay estimé aussy qu’Elle n’auroit que bien agreable que maintenant je luy fisse pareille recommandation. En quoy je vous prie de l’assister en reiterant l'office que j'escris à mon dict ambassadeur qu’il luy Face auprés de Sa Saincteté, ainsy que par vostre conseil il jugera estre bien seant et convenir à ma dignité et au
