Le texte de cette page a été corrigé et est conforme au fac-similé.
Qui me vient d’vne haleine douce,
Me succer l’ame hors de mon sein
D’vn baiser qui comme inhumain,
Plus me veut & plus me repousse.
Contre vn arbre qui tombãt le meit
presque à mort.
presque à mort.
ODE XIII.
E premier qui te planta
Et de ta ieunesse anta
Le tendre rameau sur terre
Et le iour fut malheureux
Aux siecles de ses nepueux
Du feu digne d’vn tonnerre.
Celluy ie croy fermement,
D’où tu prins commencement,
Auoir esté parricide,
Ou bien qu’il trempa sa main
Au pourpre du sang humain
Duquel il fut homicide.
Celuy fut, il est ainsi
Qui premier te meit icy
Le seul pere de tout vice :
