Le texte de cette page a été corrigé et est conforme au fac-similé.
Las, pourueu que ie puisse encore
Me reuoir (ma luisante aurore)
Au nombre de tes fauoris.
À TINDARIDE.
l’invitant à venir viure &
mourir auec luy.
ODE XVII.
E Faune inconstant & volage,
Meine son ramassé troupeau,
Tout au plus haut, prés du nuage
Du Lucrétilien coupeau,
De lycee il change la trace
Pour cercher les lieux ombrageux
Hors da là, sa cheure il desplace
Pour fuir les vents outrageux.
Permy la forest verdissante
Elle va pourchasser sa fleur,
Et par tout le taillis errante
Brotter sur la verte couleur.
D’vn Arbosierin fueillage,
Qui ne fait encor’que saillir
Elle se paist, & son courage
Ne vient le coleuure assaillir.
