Cette page n’a pas encore été corrigée
56
Curiositez
nature, jusques aux choses les plus insensibles? Que s’il faut tout dire: Pourquoy admet-on aussi la Bible, qui fait parler les forests, la vigne & les buissons ? Les bois s’en allerent, dit elle, Judic.9.8. pour faire eslection d’un Roy, & dirent à l’Olivier commande sur nous. Mais il respondit: Puis-je laisser ma graisse dont les Dieux & les hommes se servent, pour commander aux bois? Et au refus que cest Arbre leur faict, ils s’addresserent au Figuier, puis au cep de vigne, & en fin ils sont contraincts de s’addresser aux ronces. Voyez quelle Metamorphose ? Que si on dit que ce sont figures, similitudes & paraboles dont Joathan se servit pour exprimer au peuple la tyrannie d’Abimelech, & qu’en ce sens
