Cette page n’a pas encore été corrigée
la creance qu’on a de ce peuple, & qu’on juge autrement de ceux dont la sagesse a esté si judicieusement loüée de nos Peres Chrestiens. Je ne veux pas dire que les plus simples de leur nation ne creussent par adventure literalement ceste fable mysterieuse, ainsi que les bonnes gens font celles d’Esope: car il se trouve des vieilles femmes si simples, & j’en ay veu qu’oyant parler comme le Lyon parloit au Renard, & cestuy-cy à ses compagnons pour manger les poules, qu’elles croyoient que du temps passé les bestes parloient & discouroient de leurs affaires, fondees sur ce qu’elles avoient ouy prescher que l’Asnesse de Balaam avoit parlé. Mais disons qu’ainsi qu’Esope entendoit un sens mysterieux
