Cette page n’a pas encore été corrigée
l’apparition des esprits. On pourroit joindre à ceste deduction ceste funeste desfaicte des Huguenots au jour de la Sainct Barthelemy, predicte par l’Aube-espine qui fleurit la nuict precedente. Davantage on a remarqué, que si le 29. de Septembre, qui est le jour de la Sainct Michel, on trouve un petit ver dans les noix de galles qui se tiennent contre les chaisnes, qu’asseurément l’année sera douce : si on void une araignée, elle sera sterile, & grande disette de tout; si une mouche, c’est signe d’une saison moderee, si on n’y trouve rien, signe de tres-grandes maladies durant toute l’annee. Souvent aussi Dieu nous fait sçavoir ce qui doit arriver par quelque signe interieur, soit en dormant, ou
