Cette page n’a pas encore été corrigée
de gouster la douceur de mon pays, m’osta pareillement le souvenir de ceste curiosité. J’ay desja escrit pour en recouvrer, afin de faire voir à mes amis la rareté de ceste merveille. A trois lieuës de Lyon, pays plus Chaud que cestuy-cy, on trouve du costé d’Iseron grande quantité de pierres, lesquelles fendues on y trouve plusieurs de ces Gamahés parfaictement figurez. Adjoustez à ces figures peintes celle que Albert le Grand veit à Coloigne au tombeau des trois Roys, qui estoit les chefs de deux jouvenceaux fort blancs que la nature avoit depeints sur une Cornaline, mais avec cét ajencement, que l’un estoit sur l’autre, celuy de dessous ne monstrant que le nez, & un peu des autres parties
