Cette page n’a pas encore été corrigée
9. On pourra objecter que la plus part de ces plantes réduites en cendre, ne laissent pas de faire le mesme effet, & avoir la mesme qualité qu’elles avoient auparavant, doncques il faut rapporter ceste puissance au naturel de la plante, & non pas en la figure, qu’elles n’ont plus, puis qu’elles sont en poudre.
Je responds que, bien qu’elles soient hachees, brisees, & mesme bruslees, elles ne laissent point de retenir au jus, ou aux cendres, par une secrette & admirable puissance de la nature, toute la mesme forme & figure qu’elles avoient auparavant : & bien qu’on ne la voye pas, on peut pourtant la voir, si par art on la sçait exciter. Cecy semblera paraventure encore ridicule à ceux qui ne lisent
