Cette page n’a pas encore été corrigée
ceste pierre avec un croissant : & c’est ce qui me fait croire, qu’elle est un Talisman de cet Astre pris anciennement en toute l’Asie, dit Selden, pour la Lune ; à raison dequoy, ce peuple a le Vendredy en honneur comme nous le Dimanche, & qu’en memoire de cét Astre que tous les Asiatiques adoroient, le feste & cime de leurs temples & pavillons, sont ornez de petits croissants, comme les nostres des Croix. On ne peut pas dire que ceste pierre fust une simple image à l’honneur de Venus: car outre qu’elle estoit aux champs & non dans quelque temple : par tout ailleurs où on voyoit des figures de ceste Deesse, ne faisoient pas les mesmes effets que celle-cy faisoit: car elle chassoit, dit Zachder, les bestes
