Cette page n’a pas encore été corrigée
Moyse dans le desert, n’estoit simplement qu’un Talisman qui chassoit les serpens & guarissoit leur morsure ; mais ceste raison destruit leur creance, qu’il faut que la matiere du Talisman, ne soit pas desja contraire de sa nature au mal qu’on veut qu’il guarisse. Or les Rabbins qui ont traicté ceste histoire asseurent, au rapport de tous les Naturalistes, qu’il n’y a rien plus contraire à ceux qui sont mordus des viperes que de toucher ou regarder le cuivre, ce qui eust augmenté la douleur aux Hebreux affligez, & envenimé leur playe au lieu de la guarir : & ce fut la raison, paradvanture, que Dieu commanda à Moyse de dresser un serpent plustost d’airain que d’aucun autre metail, afin que ce peuple
