Cette page n’a pas encore été corrigée
asseurement la ville de peste & d’air contagieux : mais du depuis ceste maladie y a esté si grande, qu’en l’espace de quatre mois, tesmoin Leonclavius qui estoit present, elle a estouffé cent cinquante mille personnes, & tous les ans au mois de Juillet & d’Aoust on void presque un semblable effect. Et bref toute l’Asie estoit pleine de ces figures, dont la pratique estoit aussi passee en Europe: car les Druydes au rapport du docte Frey, s’en servoyent heureusement, & mesme nos ayeuls ont asseuré que c’estoit une ancienne tradition, que là où les Fees ou Fades, femmes des Druydes, habitoyent, jamais la gresle ny tempeste ne gastoyent les fruits; & la cause en estoit à mon opinion, parce qu’elles dressoyent de ces
