Cette page n’a pas encore été corrigée
tous ces Metheores sont extraordinairement rouges : ou bien quand le Soleil & la Lune, au temps qu’ils souffrent quelque esclypse semblent ensanglantez : que s’ils sont pasles, fluides, & ternis, on peut conclurre des grandes mortalites causees par la peste, qui rend ceux qui en font frappez pasles, blesmes, & sans couleur.
13. La phisionomie fait encore voir des effects prodigieux de la ressemblance & des figures: car si on vient à contrefaire la mine de quelqu’un, & qu’on s’imagine d’avoir les cheveux, les yeux, le nez & bouche, & toutes les autres parties comme luy ,& en un mot si on s’imagine semblable à luy en phisionomie, on pourra cognoistre son naturel,
