Cette page n’a pas encore été corrigée
observations que je luy prescrivis, il en vit incontinent l’experience. Et M. Sanclarus qu’on peut consulter estant encore vivant, sçavant Professeur du Roy és Mathematiques, m’a juré avoir esté guari par un de ces veritables Talismans d’vne douleur insupportable des rheins; tant il importe de sçavoir distinguer le vray d’avec le faux. Nous rejettons donc cette sotte fabrique descrite par le susdit Mizald, tant és endroicts desja cottez, qu’és autres, comme en l’Aphorisme 44. & 93. de la deuxiesme Centurie, Aphorisme 98. de la troisiesme : & de la neufiesme en l’Aphorisme 48. esquels on use de paroles vaines & superstitieuses, & de principes tres-faux; ce qui est cause qu’on ne peut
