Cette page n’a pas encore été corrigée
vraye, ayant desja la force de chasser le venin, est rendu souverain contre celuy du scorpion, si premierement on y imprime sa figure soubs l’influence de la celeste. La pierre à feu n’a garde d’en produire si elle n’est battuë, & bref il faut que presque toutes choses soient excitees pour agir, jusques mesme aux artificielles, dont plusieurs ne se monstreront pas, si l’art mesme ne les descouvre, comme les lettres faites avec du jus de citron, de figue, d’oignons, de sel armoniac, & plusieurs autres, qu’il faut presenter au feu, ou les mettre dans l’eau pour les lire ; tout de mesme il faut que la vertu des metaux & des pierres soient excitees par les rayons celestes, pour les rendre capables de l’effect que nous
